Relem Moun KÈCHO ribrik ak KLE.

Charabya... Tou dousman ou g on leman nan sous ou ki konvoke m ki fè m pèdi kran m vin san dan douvan w ayyysssss  m ta mòde kochon gra w nan tibèf toufe m ta kale dekale  pistach griye w machinen w akote pran pilon w ak kout manch pile tonmtonm nan fant kalalou w dezabiye w degaye pye w soufle zèb ou dejwe w pou m rejwe w banm entèvyou debou sou jenou avèk  mikwo m nan bouch ou pou alsiyis fè w sou pou  kout lang ou fè m mou kou chat plenn kout kouto san mak gouyad ofisyèl san plak m ap pran w pa bak pou m ka loreya plen katchim ou tabak wouze w avèk de twa kout koko  m akak plede bobo w jwe twoubadou sou po w pou senti w ap fè kow ! kow ! pow ! pow pow ! tankou kout tanbou lè yon sèvitè fèy ap bay gonbo nan bitasyon jouk m al m onte sou do w pou m  l ayite tankou bazilik nan kivèt blan w pou chandèl anm ap fè chika nan kafou demanbre w. Malherbe JOSEPH (Relem Moun) 31/05/2023...

M reve m f on rèv... (Mwen) Panyen w poko souke, ou fin vann, ou pa pot anyen, ou di w se machann. (Repons) Non, se lanmou m pote, kè kontan m vin simaye. Yon lanmou ki pa souzantandi, yon souri ki pa nan patipri. Depi m abòde w, w ap beni, si m touche w, w ap sispann dan di. (Mwen) Ebyen, vin abòde m, vin touche m, mennen m lakay ou, bwote m, oubyen ban m suiv ou, tankou m te gaga, kite m mache dèyè w, jouk sa kaba. (Repons) Gad on ti nonm pou mwen, ou pa pè ? ou pa menm konn si m pa yon atoufè. Epi w gentan pantan sou mwen, san w pa frennen. Bon! si w suiv mwen, epi w pa janm ka retounen ? (Mwen) Zafè! depi m jwenn lanmou w ak souri w, depi w dakò, montre m kòman w jere lavi w, m p ap anvi tounen, se nan lanfè m ye la, menm si w gen lajan, ou toujou malere. (Repons) Kòman w fè kwaze m nan lanfè ? Si la te lanfè, ou panse m t ap vin ladann ? W ap plede depale, sanble w pèdi bann. Si se konsa, pa suiv mwen non frè. (Mwen) M kwaze w nan lanfè, paske w se repons priyè m, ou se yon...

  Lè w manyen m... Lè w manyen m... Lalin an m chanje katye, mwen kanpe sou twa pye, brakèt an m pran dife, janm òw tounen ponpye. Lè w manyen m... Kò m vin tou piti, po devan m grandi, nan mitan w ki se yon paradi, m ap charabya yon langaj pwezi. Lè w manyen m... M bliye si medsen te konseye m fè rejim, m lage kò m nan vyann ou, m kite legim, m anvi sakrifye bèt la, pi mal pase yon mesye bouche, Kit nou frèt, kit nou cho, kit nou kanpe, kit nou kouche. Lè w manyen m... M tankou gout dlo k tonbe nan yon luil cho, m fè tchwè, m fè bri pi mal pas on kout loray, kabann nan se kridip kridap, l ap kòche miray, dra, zòrye, matla fè tchaka, tèlman n bay dlo. Lè w manyen m... Se tankou m te pran nan yon nich foumi, m vin san pozisyon, m gen vè, m ap manje dan, m ap tranble, m swe, de men w  ban m kouran, kòd sèvolan m kase, depi w mete w toutouni. Lè w manyen m... Mwen pèdi tout bon sans mwen, m vin san edikasyon pou bwa m kale w, m anvi dechire w, kòlte w san m pa blese w, tatonnen w...

N ap chèche konnen N ap aprann konnen N ap aprann ou konnen. 👉💡🧠 Jodi a estaf kècho ribrik la vin prezante w yon ribrik tou kout, sou yon thread yon fanm ayisyen te fè 16 Mai ki sot pase a, nan lè 9è 49 nan maten sou twitè, ki jodi a vin viral paske l preske rive gen 2 Milyon vyou, san konte like, kòmantè, ritwit ak twit site. An n li ti istwa ekstraòdinè sa pou n kontinye aprann, sou eksplwa Kantania Célestin ki se moun "Mirebalais" fè sou rezo sosyal twitè. Yon fanm ayisyen ki rele "Fanm chans mwen" sou twitè, ki gen username m li ki se : @Kanta_Nia, k ap viv nan kominote ayisyen an nan peyi D Ayiti, fè yon thread avan yè la sou "Bèl souri 😁", jodi a thread sa pa lwen rive nan 2 Milyon vyou, san konte like, kòmantè, ritwit ak twit site yo.  Selon chif sa yo, sitou pou kesyon vyou yo, ta sanble se premye fwa yon ayisyen k ap viv nan kominote ayisyen an nan peyi D Ayiti, rive fè yon eksplwa konsa sou twitè, ki se yon rezo sosyal ki difisil anpil, se sa...

M ba w do... M ba w do, se pa paske m te g on lanmou abolotcho, ni paske m te jwe bòlèt avèk kè m epi santiman m fè loto. M ba w do, byenke m p ap vire do m, m pito rete swaf olye w toujou dlo m. M ba w do, malgre sa fè m soufri anpil, men pito sa, kounya m pral viv trankil. M ba w do, m mare dan m di, paske w pa t konn valè m, ou te refize konprann mwen, malgre w te konn tout ti sekrè m. M ba w do nèt nèt nèt, malgre m ap pran repwòch, anba lang fanmiy w, zanmi w, m ap pran kout wòch. Kounya m sispann viv pou moun,  ou pral sispann trete m soumoun. M ba w do, paske m reyalize vizaj mwen te fè w pè. M ba w do, paske lè w avèk mwen ou pa t janm fyè, ou te toujou trete m tankou pye cheve nan bòl soup, tandiske lanmou w te tas lò, pandan kè m te soukoup. M ba w do, men w p ap ka ban m doum gaz nan do ankò, piyay la fini, fwa sa krizokal p ap ka imilye m, ki s on trezò. M ba w do, m ale m ale nèt, m swete w tout sa m pa t ka ofri w, m konseye w jwenn yon bon dantis, k ap ka jere dan po...

Di m non 🤔! Ki kote w te ye, lè nan mizè l t ap trennen ? Ki koz ou gen pwoblèm, paske l ap mennen. Ki kote w te ye, lè l t ap manje pen l san bè ? W ap di l nan djab, paske jodi a l s on limyè. Ki kote w ye, lè l te konn al lekòl san manje ? ki kote w te ye, lè ane Inivèsite l pa t ka peye ? Ki koz jodi a w twouve l pa ta dwe nan plas sa, jis w ap chèche devye l, di m non ! Poukisa ? Pouki w toujou ap felisite l, pandan w byen anvi touye l ? Pouki w pale byen lè l la, depi l pa la se mal ? epi kan l pale sou sa w toujou di l sa pa nòmal. Di m non 🤔! èske w se desandan Jida oubyen Conzé ? Ou pa konn santi w jennen, lè moun pran w pou moun serye ? Ou pa konn kesyone tèt ou pou w reyalize w s on kansè ? Sinon, sanble konsyans ou deja ap nouri nanm lisifè ! M ta swete w vin wè klè yon jou, pou w reyalize eta w ki vrèman toksik, m ta renmen w vin moun, pou djòl ou sispann flite moun tankou chyen ki gen tik, paske lang ou drive w nan labou ak fatra twòp, ou pran twòp pataswèl, m swete w r...

Manman m se t on nonm... Manman m pa t feminen, paske l te g on nanm etewo, yon vanyan gason, manman m te g on lanmou pou pantalèt, sa fè l te toujou mete bèl kanson, manman m pa t pouse pitit, men pou kò l, li te elve 7 timoun, manman m pa t gran fanm, men l te pòtre yon gran zouzoun. Manman m pa t feminen, men l te gen plizyè kalite w plis jwenn lakay fanm, manman m te konn lave, pase, fè mache, fè manje, netwaye kay, ranje kabann. Manman m te aprann mwen fè tout bagay sa yo tou ak anpil lòt ankò, se sa k fè kounya manman m travèse, m ka viv pou kò m, paske anndan m g on trezò. Manman m pa t rive lwen lekòl, men l te chwazi fè restavèk pou m ka met kòl, manman m te toujou renmen di m, pito m manje pen m sèch olye m bese zepòl. Manman m te gen karaktè, li te sevè, li te plezan e l te sansib pou respè l, devan respè l, WA pa t kouzen l PREZIDAN pa t bòpè l, li pa t ap pè fout ou yon pataswèl. Manman m pa t yon feminen, men l te elve m pou m respèkte fanm, manman m te damou fanm tou, li...

Pantalèt... Ou g on jan w kouvri jaden Edèn li, tankou bèl nap pwòp sou tab gani, lè l kouche sou do de pye l gaye, dòmi pran l, pou m ap kontanple lavi ! Lè l kouche sou vant, de bò bounda l se premye ochan ki akeyi m, avèk gòl mwen tire byen long, m ap gade pye mango l k ap di m : "vin keyi m". Kit li tounèf, kit li pèpè, kit li chire, kit li gen twou nan fouk, depi l kouvri po devan l, pyebwa m vin djanm tèlman pouse chouk. Pantalèt pa ni bwat lèt, ni bwason enèjetik men l s on fòtifyan, pou tout gason k ap kalalou oubyen k ap pran pòz kannannan. Pantalèt, se yon drapo ki ta dwe desann sèlman devan moun ki gen sans responsabilite, men anpil fwa l desann devan kadejakè, lajan ak moun ki soufri avitaminoz mounite. Erezman pou yo pantalèt pa gen djòl pou l ta temwanye devan tribinal, sinon, gen anpil moun ki t ap kòmanse respèkte pantalèt, tèlman l t ap enpasyal. Jodi a m chwazi onore w, pantalèt, ou se rido devan pòt sen bab oubyen sen do kiyè fè, lè m chwazi desann ou, m ka...

  Pwezi Libète... Pwezi a lib, li pa kokobe, li pa mache bwete paske l byen tete. Wozo se non chak grenn estwòf, kote nan van lide yo ka pliye san yo pa kase. Epi vè yo tankou fèy sou dlo lamiz, y ap pawaze nan yon chuichuichui amonye. Zanmi, frè ak sè powèt, yo chak nan yon mond diferan y ap pentire lavi. Imite kèk ansyen pou kontinye fè zorèy moun plezi, paske pwezi pa dwe mouri. Len poko menm konn lòt, men gras chak tèks ou ka wè n s on fanmiy. Inite a gentan parèt klè, lakay ni sa k deja papiyon, ni sa k ankò cheniy. Bèl refleksyon abiye nan pwoz oubyen nan vè prèske chak jou paske ekriti se zam nou. Èt mistik ki kwafe atizay literè sa, pa janm sispann enspire n chak jou. Tèt nou te mèt cho, depi n tande pwezi lespri n gentan poze tankou ma kafe. E nou p ap dekouraje paske fòk pwezi reziste nan mitan medyokrite. Malherbe JOSEPH (Relem Moun) 10/Me/2023, 8è nan aswè.

Ou pa yon ka fou Ou se yon kafou... M konn fin ekri yon tèks, apre m fin li l, m konn ap mande tèt mwen, poukisa m ekri l ? paske m pa wè sans li, alewè pou m ta eksplike l, m konn anvi efase l, m tand on vwa ki di m kite l. Dèfwa sa n m pa pwofèt, m konn predi yon bagay, m konn pè pale l, pou moun pa di m ap fimen pay, dayè, menm mwen m konn ap doute sou tèt mwen, epi se lè bagay la fin rive, m regrèt m te temwen. Gen anpil moun ki pè pale oubyen ki pa chwazi pale, akoz nou pral jije yo, joure yo e menm anvi elimine yo, nou pral di yo fou poutan se bon mesaje yo ye, yo g on richès lakay yo, inyorans anpeche n eksplwate. Se pa tout sa w panse oubyen w di k ap konpreyansib tousuit, pa gen anyen w panse oubyen w reve ki vini san yon rezon valab, menm si w ta bay tèt ou yon limit rezonab, gen moun k ap toujou wè l derezonab, se sa k fè w dwe rete enb, pa twò prese, evite eskonbrit. Malherbe JOSEPH (Relem Moun) 8 Me 2023, 2è apre midi.

  Kite m pale ak vè m... Pa pale ak vè m pito w vin pale avè m pa fè gwo kè ni pa vin tou pal anvè m rete fèm m pral sakaje w avèk bri kè m m pa t ap janm mande w libere m ou fin mete m lib epi w bwè fyète m ede m batay ou bere m pou w pyeje m epi kou m pale w di m gen foli rime se teyat m ap fè m s on desen anime ò ! machwè m pòtre sann dife ki mouye ou panse m sou ou poutan m ap pale ak vè m m pa konn kote w soti vin kanpe nan baryè m vin anmède m m tou deja plen pwoblèm kounya menm moun pa ka fou anpè ankò w ap pale pou kò w yo pa konprann y ap ba w tò lè w pale avèk yo menm si yo konprann ou merite lanmò tan pou sa pito m pale ak vè m yo chak jou pou moun pa fè m lèmi toudenkou oubyen al veye m nan fè nwa pou ban m kou yon bwa alimèt gen vyann sou zo l pase m li long tèt li wouj men se pa pase panse m panse m se yon pansman lè rim yo blese m. Malherbe JOSEPH (Relem Moun) 8 Me 2023, 12è 30.

  Yon lòt Ayiti... (AN N CHÈCHE GEN REZON ANSANM...) An n kòmanse sispann wè tèt nou avan n wè Ayiti, nou bezwen Ayiti a, kote anpil ayisyen te kwè nan konbit, Ayiti a, kote majorite ayisyen te kwè nan agrikilti, kote katouch pa t konn ap chante pou dan ri pi mal pase pipirit. Nou bezwen lòt Ayiti a, ki pa t fyè sèlman pou libète l sou papye, men w te ka remake libète a sou vizaj chak pitit tè sa. Yon lòt Ayiti, ki ka rekonpanse nofraje yo sou bato negriye a, paske fason n drive libète n mete nanm esklav sa yo nan kaptivite. Yon lòt Ayiti kote ayisyen p ap janm pè gade oken lòt pèp nan zye, yon lòt ayiti kote otorite yo nan leta pral sispann ranpe tou kanpe. Nan tan lontan ayisyen pa t konn nan plede koupe pyebwa pou fè chabon, paske te gen gad forestye, depi yo kenbe w, w ap peye amand, w ap pran baton. Moun pa t konn nan jete fatra nan lari, ni bati kay nenpòt kote pou yo rete, lè lapli ap tonbe se dlo ase w te konn wè, kannal irigasyon yo pa t bouche. Nou bezwen lòt Ayiti s...

N ap chèche konnen N ap aprann konnen N ap aprann ou konnen   Kècho ribrik pou jodi Vandredi 5 Avril la chita sou yon sijè sikolojik ki gen pou tit "ENPAK DEPLASMAN YON KÒLÈG SOU SANTE MANTAL LÒT KÒLÈG YO ." Entèvenan sikològ Edny PIERRE, sikològ, diplome nan jesyon dèy oubyen separasyon, li se sikològ klinisyen tou ki travay avèk moun ki soufri kriz epileptik, sa yo rele "Malkadi", e li se petèt premye ayisyen nan peyi D Ayiti ki te rive ekri memwa li sou yon sijè konsa ( Prizanchaj moun ki soufri maladi tonbe ). Ribrik sa repati konsa e se aktivite ki rele Jedimantal la ki patwone l : -Toke (tokèt) -Chay  Kisa yon espas travay ye? Kèk efè pozitif travay genyen sou sante mantal moun. Kisa yon deplasman ye? Kèk bagay ki ka koz deplasman yon kòlèg. Kòman deplasman yon kòlèg ka afekte mantal lòt kòlèg yo. -Mete atè Kèk pi bon solisyon pou w jere sante mantal ou nan moman deplasman yon lòt kòlèg. -Toke a Deplasman yon lòt kòlèg tankou deplasman youn nan de moun ki renm...

De mon feu PÈRE... Malherbe ! viens t'asseoir là et écoute moi : "Un jour tu mourras mais dans le coeur de certaines personnes tu naîtras d'autres te connaîtront à peine à ce moment-là regretteront deux fois de t'avoir connu si tard qu'après ton départ pour l'au-delà ce jour là tu partiras tout seul entouré de beaucoup de gens dans un cercueil qui te conduiront jusqu'à ta dernière  d emeure pour un dernier recueil où c eux qui te haïssaient ne pourront clore leur sale gueule ils te jetteront des fleurs et des couronnes ils diront que tu étais une bonne personne même ceux qui avaient fait de ta vie un enfer prétendront que ta mort leur a laissé un goût amer mais tu n'as pas à surveiller ce jour tu dois seulement te préparer chaque jour puisqu'il viendra que tu le veuilles ou non à ta porte la mort viendra frapper que tu sois mauvais comme personne ou bon comme eux." Malherbe JOSEPH (Relem Moun) 4 Mai 2023, 2è P.M. Texte écrit en mémoire de mon f...

  Lavi m s on rim... Lavi m s on rim ki pa ni kontinye, ni  plat, ni kwaze, ni anbrase, ni  redouble, ni  mele, men, lavi m s on rim ki pèsonèl, lè m kontan oubyen lè m ap kriye jiskaske nen m fè larim. Lavi m s on rim anndan pwezi peyi m, k ap plenyen nan mitan chak vè, lè pwoblèm lavi a vle keyi m, lavi m s on rim kote chak rega m s on kout plim, k ap dèkòtike sa m poko konprann, pou m pa depale. Si pa t gen ekriti, si m pa t konn ekri, lavi m pa t ap gen oken sans, paske gen bagay m pa ka rakonte moun, m pito f on paj kaye konfyans. Prefere m rakonte lonbraj mwen kèk bagay sou istwa m, oubyen m rantre nan simetyè a, al pale devan tonb papa m. Lavi m s on rim ki makiye avèk krim. Lavi m s on rim ki toujou konprann kri m. Lavi m s on rim sou defèt mwen ak prim. Lavi m s on rim dan rachòt ki pa ka ri m. Malherbe JOSEPH (Relem Moun) 4 Mai 2023, 12è nan apre midi.

  Yon lòt Ayiti... Ayiti ka vin yon lòt, si n pran konsyans youn lòt, si n sispann konte sou zòt, si pwoblèm Ayiti vin ka youn lòt, si n aprann refize mil goud pou grenn vòt, nan machwè, nou t ap sispann pran kalòt, avèk yon veritab chanjman, nou t ap vin matlòt. Ayiti ka vin yon lòt, men, se pa nan kraze brize, sa n te vin jwenn ki bon. Men, se nan chanje mantalite. Gen plizyè gran peyi ki te tankou Ayiti, gen ki te pi mal menm, yo vin bon, ou pa bezwen sezi. Pou Ayiti vin yon lòt, fòk jenerasyon aktif jodi ta dakò soufri pou demen ka miyò, fòk nou ta vin gen yon leta, ki pa tankou ti zam peta, yon leta ki p ap ni mandyan, ni volè, paske se la pi gwo pwoblèm nou chita, lè sa richès ineksplwate n yo, ap ka pèmèt nou f on echanj ekitab, avèk lòt peyi pou n sispann dòmi deyò. Kòman Ayiti ka vin yon lòt ? Èske n pral chanje non an ? se pa konsa frè m/sè m, koute m : "chanje non an, koulè drapo a, elatriye, p ap rezoud anyen, men, puiske se moun ki fè peyi, se chak grenn ayisyen ki ma...

Lanmou pale fò, lajan fè plis bri... Depi w ap goumen avèk love, nan pòch, ou pral pòv, nan tèt, ou pral chòv. Nan tan sa, no money no love. 🙅 #TBDA/#TTA 👉💡🧠 Malherbe JOSEPH (Relem Moun) 1e Me 2023, 4è 50 apre midi.

Bòn fèt Madjigridji ak Grapyay 🇭🇹! Kèk pami nou, ap travay, se vre, men, mantal nou sekestre, paske n gen yon salè andikape, malgre sa n ret kanpe. Kèk pami nou kontinye plante, men se san nou🩸, nou rekòlte, nou pa ka vann, pa gen jou mache, semans vin tounen vyann, akoz bwa kale. Bòn fèt #madjigridji ak #grapyay 🇭🇹! Malherbe JOSEPH (Relem Moun) 1e Me 2023, 10è nan maten.