Kwen Powetik Kècho (22/05/2023).

 Lè w manyen m...

Lè w manyen m...

Lalin an m chanje katye,

mwen kanpe sou twa pye,

brakèt an m pran dife,

janm òw tounen ponpye.

Lè w manyen m...

Kò m vin tou piti,

po devan m grandi,

nan mitan w ki se yon paradi,

m ap charabya yon langaj pwezi.

Lè w manyen m...

M bliye si medsen te konseye m fè rejim,

m lage kò m nan vyann ou, m kite legim,

m anvi sakrifye bèt la, pi mal pase yon mesye bouche,

Kit nou frèt, kit nou cho, kit nou kanpe, kit nou kouche.

Lè w manyen m...

M tankou gout dlo k tonbe nan yon luil cho,

m fè tchwè, m fè bri pi mal pas on kout loray,

kabann nan se kridip kridap, l ap kòche miray,

dra, zòrye, matla fè tchaka, tèlman n bay dlo.

Lè w manyen m...

Se tankou m te pran nan yon nich foumi,

m vin san pozisyon, m gen vè, m ap manje dan,

m ap tranble, m swe, de men w  ban m kouran,

kòd sèvolan m kase, depi w mete w toutouni.

Lè w manyen m...

Mwen pèdi tout bon sans mwen,

m vin san edikasyon pou bwa m kale w,

m anvi dechire w, kòlte w san m pa blese w,

tatonnen w fè w bave nan djòl mwen.

Lè w manyen m...

Mwen bliye ki jou m te fèt,

m ale m vini san m pa regrèt,

fè rantre soti san m pa pran retrèt,

paske karès ou yo ban m baboukèt.

Malherbe JOSEPH

(Relem Moun)

22/05/2023, 2è37 P.M.