Relem Moun KÈCHO ribrik ak KLE.

Baton an chanje bout ✊🇭🇹! Jwèt la make avèk lank san 🩸 pèp la tèlman kanpe dan ⚔️ anpil moun kòmanse pèdi kran y oblije vin bay eksplikasyon devan gran ekran. Nou wè sa linite ka fè nou wè lè n chwazi pa pè kòman n ka dechire kalson fè. Sèl pou domaj kolateral, m enkyè, kontinye demaske tout #kakatwè. Malherbe JOSEPH (Relem Moun 👉💡🧠) 30/04/2023, 9è nan aswè.

Kè m, ap lache... Pandan kè m ap lache, m pa deside abandone, paske m poko wè sa m pral kite, pou jenerasyon apre m nan pa twò fòse. Ti moso apre ti moso kè m ap rache, san dlo, zye m ap plede kriye, souf m ap bout, poumon m rele anmweeeeee! paske respirasyon m vle pran konje. M poko menm jèn, m gentan fin granmoun sou pye, tankou mang lavi vle manje m san matirite, tèt mwen cho, m ap mande kote sa prale Bondye ? Ou sanble pa wè, Ayiti preske nwaye tankou bato negriye ! Epi m tand on vwa ki di m Relem Moun leve, pran megafòn ou, nan kafou sa, al kanpe, pale byen fò, sa k gen bon antandman va tande, di ayisyen yo pou mwen, tounen sou wout linite. Menm kote a mwen wè m reveye, tou esoufle avèk ponyèt mwen gonfle, tankou m te nan yon konba, san abit pou retranche, se lè sa m sonje n se premye pèp nwa, ki te akouche libète. Se sa k fè, anpil lòt pèp p ap janm zanmi n vre, paske avèk zong nou n te f on lame, dan kanni nan djòl Napoleyon, nou te rache, drapo esklavaj la n te dechire, bwa kal...

  M ap viv... ... Menm si jodi a m ap viv lavi m pa t swete a, menm si jodi a m oblije mache nan wout m pa t trase yo, menm si siksè m se manje kasav sèch epi bwè dlo, menm si lavi m santi bon tankou yon pil kaka. ... Menm si m poko wè Ayiti m ap reve a nan liv m ap li a, menm si m ap mache chèche san m poko janm f on pa, menm si m fin etidye yo mande m bounda pou CV, menm si yo ban m travay pandan salè m andikape. ... Menm si m poko konn pou ki rezon m ap viv, menm si pou bon zèv mwen yo pa gen achiv, menm si lè m fè byen m plis rekòlte mal, menm si malgre m soud chak jou m ap tande bri bal. ... Menm si m oblije souri nan mitan malè m, menm si menm lè m kriye pèsonn pa konn doulè m, menm si ayiti ki se manman m, nye m pwòp jou batè m mwen. Menm si koripsyon ak lamizè ap grimase bonè m. ... M ap viv e m ap fout viv menm, paske m konn batay, m pral taye pwoblèm pi mal pase twal, san m pa kite retay, m pral f on vès avèk richès pou m kouvri nidite lamizè, ou ka di m fou, ou ka ri m t...

N ap chèche konnen, N ap aprann konnen, N ap aprann ou konnen. 👉💡🧠 Pou jodi Vandredi 28 Avril la, estaf KÈCHO ribrik ak KLE ap prezante w yon jèn gason k ap viv nan dyaspora a, nan peyi Brezil. Nou te gen chans pale avèk li, sou plizyè bagay paske n konnen viv lwen peyi w san w poko konnen, ki lè w ap gen chans pou w ta retounen lakay ou, pou w vin wè fanmiy ou, boubout ou si l ap viv nan peyi D Ayiti, zanmi w, elt. Se pa yon bagay ki fasil ditou. An n gade ansanm ki moun moun sa ye ak kòman l te reponn kèk kesyon nou te jwenn chans poze l. 1) Bonjou/bonswa. N espere w anfòm. Ou se premye moun nan dyaspora a ki pral gen chans pase nan ribrik sa. Kòman w ye ? Kòman w santi w lè w ap suiv sa k ap pase nan peyi w ? Di nou kiyès moun ou ye tanpri. R : Mwen salye tout moun! KÈCHO Ribrik,mèsi anpil pou opòtinite sa kote nou fè m onè kòm premye moun nan dyaspora Ayisyen an pou m pale sou mwen avèk piblik la pou yo ka aprann konnen m, puiske se objèktif ribrik sa menm. • Kiyès mwen ye? Mwen...

Lè m te timoun, m konn wè granmoun ap leve kouri pou y al gade moun ki maske ak djaz k ap pase nan zòn nan. M konn wè granmoun ap leve kouri pou y al mete antant ant de moun k ap goumen, oubyen pou y al pote yon vwazen sekou. Jodi a, leve, kouri se pen kotidyen ayisyen.😫! #TBDA/#TTA 👉💡🧠 Malherbe JOSEPH (Relem Moun) 4è apre midi.

Ayiti n an danje!!! Anpil san ap koule, anpil moun ap tonbe, Ayiti prèske trepase, anba men ensekirite. Anpil kay ap pran dife, anpil moun al kache, Ayiti gen tranche, men pa gen lopital pou l akouche. Anpil moun deja vwayaje, al pran souf yon lòt kote, sa k pa ka ale tonbe kriye, peyi n an danje . Malherbe JOSEPH (Relem Moun) 24 Avril 2023, 3è apre midi.

  Ti pèp ka pran move kou sa papa ! Pèp ayisyen tèlman ap pran kou, san l melanje avèk po kò l fè kalalou, nan bòl koripsyon, ensekirite ak grangou, prèske chak jou se kadav k ap di l, Bonjou ! Pèp ayisyen tèlman ap pran move kou, m ap mande, ki lè n ap kale zye nou ? pou n sispann mache sou jenou. Ki lè n ap refize pidza nan plas pendou ak rapadou ? Pèp ayisyen tèlman ap resevwa gwo kou, kò l vin anestezi tankou moun ki sou, li pa voum! li pa pwèt! li vin ti sousou, l aksepte viv mal e pi sal pase moun fou. Pèp ayisyen tèlman ap pran move kou, li vin alzaymè, li vin avèg, li tonbe nan twou. Jèn gason kou jèn fanm seksyalize dezyèm twou, pou chèche plen vant yo, nan manje san gou. Pèp ayisyen depi lontan ap pran move kou, avan, pandan ak apre endepandans nou. G on bann peyi ki p ap janm renmen nou, li lè e li ankò tan, pou n ta kale zye nou. Malherbe JOSEPH (Relem Moun). 24/04/2023, 8è 00 A.M.

Yon refleksyon ki baze sou konpetisyon ant moun ki soti nan kapital peyi D Ayiti, moun ki soti nan lòt vil yo, moun ki soti nan bouk zòn kanpanya yo ak moun ki soti nan zòn kanpanya ki pi rekile yo. Ta sanble inimitye ki egziste ant lòm ak sèpan an, la jis kounya nan atitid kèk moun ayisyen. Dapre sa Bib la di, depi kreyasyon mond la, egziste tou, an Ayiti, ant moun kapital ak moun pwovens, moun pwovens ak moun swadizan andeyò, moun anwo bouk ak moun anba bouk. Si nou byen gade, depi Wa te Kaporal, moun pwovens la oubyen moun anba bouk la toujou nan konpetisyon moun kapital la oubyen moun anwo bouk la, paske l konnen si l pa kraze bèt li pou l vin otimondèzafè, moun kapital la oubyen moun anwo bouk la p ap bay li valè.  Sa vle di, moun kapital la oubyen moun anwo bouk la panse l pa bezwen fè twòp efò pou moun konnen l, paske l kwè l eklere deja, san l pa konnen si moun pwovens la oubyen moun anba bouk la nan konpetisyon avè l, anba anba, pou yo sispann diskrimine l. 😂 Nan konklizy...

KÈCHO ribrik ak KLE  👉💡🧠 N ap chèche konnen. N ap aprann konnen. N ap aprann ou konnen. Nb : Yon edisyon espesyal (Ribrik postim)... Youn nan manb ki konpoze estaf KÈCHO RIBRIK ak KLE e ki se kreyatè ribrik sa tou Relem Moun (Malherbe JOSEPH), chwazi ekri yon ribrik postim nan sousi pou l non sèlman onore memwa papa l, men, tou kontinye selebre lavi papa l atravè zèv li lè l te isi ba. Lucien JOSEPH te fèt 10 Desanm nan ane 1955 e li te mouri Lendi 5 Septanm 2022, 3è nan maten, Plèndinò kote l te fèt la, nan laj 66 an. Li te antere Plèndinò 10 Septanm 2022, selon dezi l pandan kèk jou avan lanmò li, apre fineray li ki te chante 2è nan apre midi. RIBRIK sa genyen 5 kesyon ladann, jis paske papa Malherbe te mouri yon 5 Septanm. 1) Nou konnen sa mande w anpil fòs ak kouraj, pou w pale sou papa w, sitou se avèk li sèlman ou grandi dayè manman w te mouri byen bonè, èske w ka f on ti pale nou sou papa w ? Di nou ki moun papa w te ye pou lòt moun ak pou pitit li ? R : Bon, papa m se nè...

  Ayiti!!! Ayiti, gade jan w vin piti, ou vin redui pi mal pase chabon dife nan van k tounen sann. Ayiti, pou jan w te konn bay pitit ou ak etranje manje, gade jodi a pi gwo nouriti n se san n. Ayiti, ou te ede anpil lòt pèp pran endepandans,   poutan sa fè kèk tan w sou depandans, gad on vye dans ! Ayiti, se pèl antiy yo te batize w wi, tèlman w te rich ak bèl, alèkile w pa menm gen valè yon vye bwat poubèl. Nan linyon ki se fòs, zansèt nou yo te kase chèn esklavaj, alòske kounya, n ap fè linyon nan chantaj, limojaj ak bavadaj. Anmwey yyyyyyyyyy ! pote m sekou, m bouke gade san frè m ak sè m k ap koule, m bouke wè timoun nan lari, san paran ki pou pran swen yo, m fout bouke, m bouke tande joudalis k ap pataje fo enfòmasyon sou jèn gason ak fanm k ap lite, m bouke wè pwofesè k ap travay pou ti monnen, ki pa menm ka touche. Ayiti, kisa w te fè w ap peye? èske w te joure paran w? di m ki granmoun ou te manke dega, pou m al mande l padon nan non w. Paske lè m ap gad eta w jodi a,...

M anvi manje w tankou doukounou Machinen w tankou pannisik oubyen rapadou Souse mwèl nan zo w nan yon bòl ragou Degiste w tankou pen patat, pou jan w dou M anvi mete w toutouni kri San m pa nan pati pri Desann devan w byen dri Rantre soti pandan w ap jemi  Jis ou voye dlo Tankou m te sodo.

Wouyyyyyyyyyy cheranm 🔥 Devan w gen vyann Devan w gen nanm Devan w djanm Devan w son flanm Maprèy fò w souse bout kann anm Mennon w nan rara pou w èy gouye sou bann anm Pou m fò w santi w s on fanm avèk nanm fanm  Mwen pral bwò w jouk mwen sou pasko w se kinanm. Relem Moun 👉💡🧠

Notre premier et plus grand ennemi c'est l'égo Nous sommes tous nés égaux Et nous allons tous mourir égaux Alors combattons plutôt contre notre égo Puisque nous sommes tous dans le même bateau  ⛵🇭🇹 Sinon nous allons tous périr comme des idiots Précieusement, garde mes mots. 🙏🏿🤔✊!

Moun bat bravo, bravo gen 5 lèt avèk men yo jeneralman ki gen 5 dwèt Men nou yo gen avan bra ak bra Bravo san vo se bra Nou konn bat bravo tou pou moun ki brav Poutan, bravo san O pa ka fè w brav 5 dwèt ak 5 lèt Ki melanje tankou kafe ak lèt.🤔!

Pifò enspirasyon m yo soti nan liv Avèk yo mantal mwen fè lesiv Sèvo m se yon biblyotèk anbilan Ladann w ap jwenn pou w fè nenpòt bon bilan. Lavi mwen se yon liv ouvè Kote chak mo yo se yon vèvè Si w fouye l wap konnen mwen Sinon wap jis rekonèt mwen. 🙏🏿! Relem Moun 👉💡🧠

Lavi chak moun se yon mistè. Nou chak pote yon lespri ak yon nanm andedan yon matyè. Si w ap gade lavi w sèlman nan nivo vizib. Ou deja komèt erè ki pi tèrib. Paske menm si w te gen tout syans. W ap mal pase si w pa gen bon sans. Paske reyisit chita sou travay, meditasyon ak lapriyè. Relem Moun 👉💡🧠

M anvi... M anvi bagète w tankou tanbou djaye arebò tab ou fouye vodou bwè w tankou kleren san m pa sou trase vèvè sou kò w rive nan fant lakou fè madjigridji sou papye tenbre w rele aysss bobo nan pwent tete w jete twa degout atè pou m rele w vin manje mayi griye m nan tabliye w. Verite sou tanbou🙏🏿 Malherbe JOSEPH (Relem Moun).

Entwodiksyon (Malherbe JOSEPH). Lè jou mache te konn rive... Lontan nan peyi D Ayiti, prèske chak zòn te gen yon jou mache, kote anpil moun ki soti nan lòt zòn te konn debake vin achte, sa zòn kote yo soti a pa pwodui, men, lè sa te genyen pwodiksyon nasyonal tou, ayisyen pa t bezwen lonje bòl yo bay lòt peyi pou yo te jwenn lamanjay. Lè sa a, lè sa a, ayyy pitit mwen fout di w lè sa, antouka ! mande gran paran w yo. Sa n wè k ap pase jodi a, franchman n pa gen bouch pou n pale, paske pa prèske gen jou mache ankò. Kounya se jou bouche ki genyen nan tout kwen nan peyi a, e se chyen avèk kochon ki tounen bouche, k ap manje vyann kadav moun nan tout lari. Jamis Pierre Antoine ki gen ti non gate @Lajamis sou twitè, te fè yon kòmantè konsa anba yon videyo @mapoulibelibe sou Instagram kote l t ap pale sou jou mache, jou gason pa kanpe, jou fanm mete pantalèt yo sou tay yo. Jou w ka gade lajwa sou figi pwodui yo paske yo prale pandan lajan ap rantre. @Lajamis te pale konsa nan tèks ki vin apr...

 J'aimerais... J'aimerais me déplacer sans faire un pas, voyager dans un monde qui n'existe même pas. J'aimerais de mes yeux, regarder sans rien voir, et lire pas mal de choses dans le noir. J'aimerais parler sans qu'on puisse m'entendre dire haut et fort "j'ai un coeur tendre! ". J'aimerais écouter de merveilleuses choses, étant sourd, être toute nue, portant des habits de velours. J'aimerais n'avoir que des ennemis amis, au lieu de m'être entouré d'amis ennemis. J'aimerais être une femme sans changer de sexe et demeurer un homme sous aucun prétexte. J'aimerais être richissime sans argent, le plus sôt et le plus instruit, mais... comment ? J'aimerais ne pas aimer tout ce que j'aime, et haïr d'un éternel amour, moi-même. Malherbe JOSEPH (Relem Moun)     12 Mas 2015, 8è 54 nan aswè.

  Si pye w ta chape. Dòmi ta epi leve bonè si w vle fè bonè w. Travay entelijamman pou w jwenn respè w. Limit ou dwe vini avan siksè nan diksyonè, men, nan vi w se siksè w ki dwe bay limit limyè. Yon jou lavi gen pou l peye w pou efò w, w ap bèl. Antouraj ou, gen pou pran w kòm modèl, paske w te kanpe anfas echèk, tankou yon rebèl. Pa twò prese pou w pa kase zòtèy ou non, katèl! Chak moun k ap viv gen yon jou nan 365 lan, yo gen tan yo anndan kantite tan y ap viv lan, yo gen yon tan ki fikse pou yo vin gran, pandan y ap travay, rete enb, san fè gran panpan. Si pye w ta chape yon jou, ou p ap tonbe nèt anba, menm si w ta tonbe anba, efò w yo va sèvi w matla. Pou zo w pa brize, pou w ka kokobe. Leve, leve! Si pye w ta chape, se paske w t ap chèche. Leve! Malherbe JOSEPH (Relem Moun)   15 Avril 2023.

Relem Moun...  Ne pars plus... Tout seul au milieu d'une nuit, tout était sombre, mon homme sans ombre, quoique la lune luit, je m'ennuis. Je me suis mis à réfléchir, sans toi que vais-je devenir ? en ton absence, autour de moi tout est ténèbre, c'est l'enfer, pour moi tout est funèbre. Plus jamais, je ne veux que tu partes, car j'ai pas le coeur d'un spartiate. Une seconde sans toi c'est comme mourir, durant ces jours, j'ai failli périr. T'as pas idée de ce que j'ai du endurer, malgré ton absence a été de courte durée. J'espère que tu comprendras, sans toi, pour moi rien ne va. Je suis un feu sans flamme, seul et vide une terre désséchée et aride, arrose-moi et rend-moi fertile, puisque sans toi, je deviens inutile. Sans toi, je ne suis qu'un corps sans âme, qu'un coeur veuf, qu'un guerrier sans armes. Je t'aime et c'est beaucoup plus fort que moi, après toi, je crois n'avoir d'autre choix. Malherbe JOSEPH (Relem ...