Relem Moun KÈCHO ribrik ak KLE.

Kreyòl = Lang bosal ak Lang vòksal Gen moun depi w pale kreyòl depi pawòl ou yo san kras ou dwòl yo twouve w pa saj nan bondòw y ap resite tout pasaj bon ! si w pa ka "Exprime-toi" menm ou deja kaka ti chat sèke w pa te gentan pase sou ban lakay Koyo y ap trete w tankou yon vye veso pou anpil nan yo kreyòl la se langaj moun sal bosal ak vòksal moun ki san levasyon esklavaj mantal la fè yo refize pale kreyòl "tu as un beau vagin" se wawww ! w ap jwenn bravo "ou g on bèl bòbòt" se mezanmi wooooo ! kòman w bawòk konsa ti gason sa ? m pa bezwen di w si boubout ou gen malè li manyen fouk pantalon w pandan bwa w rèd epi l di "ou g on gwo zozo vre wi papi" menm kote a nan ginen tou pran dife kòman w pale lèd konsa pitit ? kote w jwenn avèk gwo mo sa yo ? kote w te lekòl menm ? li gentan merite yon bwa kale bagay sa yo ak anpil lòt ankò lakoz anpil moun ap viv an kreyòl pandan y ap goumen pou yo pale fransè ki se lang kolon an padon, lang entelektyèl yo ...

Fèmen bouche pòt ... Pa resevwa tout vizit menm si li tou zwit kou lonbrit pou lang ou pa pedale san kanpe paske depi l negatif menm lè ou wè l parèt piti li gwo nèg fèmen l tou louvri byen griyen pou w ka byen  v eye epi gade bouche li san w pa soud pou w pa konsome nenpòt bagay san konprann seleksyone sa ki bon pou kay ou paske sa w ap wè w ap tande ak konsome ka remèd oubyen pwazon lan kont byennèt ou Fèmen sa w dwe fèmen bouche sa w dwe bouche paske lavi w s on kay zye ou zòrèy ou bouch ou se pòt ki ka fè bonè w oubyen malè w. © Malherbe JOSEPH 26 Dawout 2023...

Mo yo ren men !!! Nan san nou nan nanm nou mo yo konn bwase ren yo konn gouye nan liy sou menm rit douvan sa ki parèt san sans pou moun k ap fè lojik ki twò kwè  nan syans egzak moun ki wè  atizay powetik tankou zafè moun tèt kòlòk kòlòk poutan lè mo yo bay lanmen fraz yo renmen jouk nan zo nan mwèl nou yo akouche yon mesaj lespwa kote mo yo mache men nan men nan yon kominyon pafè ki rele ekriti gen moun ki chwazi ekriti konsa tou gen kèk ekriti chwazi men k ap kache ekriti paske yo pè afwonte kritik M ekri pou m fè tèt mwen plezi depi lè m fin reyalize ekriti se  r en m ak men m avèk ekriti lavi m bwase ren granmesi fèy papye lavi m lonje men li. © Malherbe JOSEPH 27 Dawout 2023, 12è apre midi.

Krevas ... M jwenn yon sous dlo fre pou m pase swaf an m nan lanbe li  ak lè m plonje tèt flèch kann kale m andidan y m santi m ta yon kannari  pou m charye dlo sa  san kite ti gout  pou m f on boutèy tranpe pou m kage lè m anvi mete  chalè bande m sou twa wòch dife sou twa pye l nan tèt sous sa g on bouch ak de pwent file byen kanpe pou m miyonnen avan dlo gaye jouk l al wouze bout kann an m menm lè lapli pa tonbe depi l wè m li gentan mouye sous la gonbo li bade veso m pou m  pa filange lè krevas la pral akeyi m yon akèy san parèy fòtadi g on men ki kenbe m nan tèt levye m k ap dirije m nan chimen kwense anba yon son k ap fè koup koudoup  koup koudoup tankou zo k ap deplase anba vyann venn foule krevas sa pa gen plas pou de mezi longè m mezi gwosè m mezi dousè m yon sous prive pou m pase swaf an m wouze kann an m jouk dòmi pran m. © Malherbe JOSEPH 27 Dawout 2023...

Douvan w 🍑 ! Douvan w se sèl kote bwa m boule san l pa fè sann douvan w se sèl kafou tou kanpe m fè monte desann douvan w m se sèl chèf avèk plon 🍆gaye m m ka tire 💦 sou mòd latranblad douvan w m dimilòm san diplòm m poliglòt douvan w m ka fè onondipanm babaranm baboukèt san m pa panyòl... © Malherbe JOSEPH 25 Dawout 2023.

Gad eta leta ! Gad eta leta ! ki leta ? Leta ayisyen bon ! leta ayisyen  vin pi mal pase chyen tèlman li bay lawonte kè tounen. Leta ayisyen pa gen nen pou li pran sant fèy machacha bandi ap bouyi nan Kafou li pa gen zye pou li wè menm palmis ki nan drapo a ap tann email pou li lage pye l   tonnè èèèèè! M te kwè leta se nou nou leta sa w ap di konsa ! nou se leta se vre men leta kanpe kont nou depi kèk tan kòman w  te vle pou m pale ? Ebyen ! nan ka sa leta ayisyen  nan yon  eta ki dezini  se sa k fè sèl espwa pi fò nan nou  se Etazini. Leta si w pa soud n ap di w  Pattttttttti chen ! © Malherbe JOSEPH 25 Dawout 2023 11è 25 nan aswè.

Dèyè mòn gen mòn... Menm lè w pa wè mòn nan pawòl sa s on plòtonn fisèl kat ti mo ki ka voye w nan syèl avan lè lè w kwè  ou se towo lè ou twòp pou tè ou ka dòmi san janmen reveye. Nan bounda pawòl sa g on reyalite piman bouk kit ou soti anwo bouk oubyen anba bouk kit ou mete soulye kit dwèt pye w ap grafonyen latè. Lè w tande yon granmoun repete pawòl sa sèke l bouke li pa ka tann jistis k ap sot anwo a li pral wè si se vre lè w pa kwè g on magoul won ki pral chavire tou pre lantouray la. Ou gran timoun dayè w foubi dan w pou kò w pa mande m detay m pa detayan se gwosis mwen ye. Depi w tande ayisyen di w dèyè mòn sa w ap gade la a gen yon lòt mòn konnen avan lontan avan solèy la ranje kabann li  g on zetwal k ap tenyen kanmenm  paske l kwè l te ka bouche zye syèl la. Mande Bondje padon foutttttttttt  si l ta di w  tann sa vye. Antouka kreyòl pale kreyòl konprann fè respè w pou yo pa fill pou ou dèyè mòn ki gen mòn nan paske si w pa vwayaje ou ka pati tankou che...

Raktoufff !!! Devan touf raje w g on rak bwa ki kanpe byen long k ap fè kout tèt chak lè van w vante l Fèy yo gaye devan w tankou pye bwa ki nan sezon l branch yo tankou timoun dan rachòt mitan touf raje w tankou  s on boukan dife, tèt rak bwa sa l ap dekale jouk li vin wòz tou chòv byen gonfle tout kò l se rasin fòtadi se ponyèt ferayè Devan touf raje w zèb zègiy fè mòlmèk nan rak bwa sa gen bwa kochon zo devan lyann bande ak jouk li jou, e depi w gen malè ou touffff m ap rakkk tou jouk nou sou. Malherbe JOSEPH 22 Dawout 2023 10è 15 nan aswè.

Ewo w ye !!! Ou leve ou pa jwenn anyen ou ale lekòl fè nivèsite malgre sa ou pa vo anyen ou rete dwat s on ewo w ye Ou pa jwenn travay  ou kreye, enstabilite kraze l ou rekòmanse  avèk de men pou bati demen  s on ewo w ye s on ewo w ye yon sitwayen responsab, ou responsab ou pa jwe lavi anba tab, onètete w  pa negosyab, s on ewo w ye  nan mitan rayisab Ou toujou vle ede lòt, lè w nan pwoblèm  yo di w lavoum, malgre sa  ou gen lacharite paske  s on ewo w ye Yo fè w mal  ou mande byen pou yo, ou viv byen avèk yo  yo ba w kou nan do, ou pa jwenn resipwosite men w rete moun s on ewo w ye Ou ta renmen wè  peyi w chanje pasifikman w pwoteste  ou patisipe tou yo fout ou bal  yo fout ou gaz ou ret kanpe s on ewo w ye ti jèn  Ou vwayaje Ou retounen  vin pataje  pataje sa w konnen nan vwazinay yo di w fou gen foli kandida s on ewo w ye paske  ou pa deside kite sa W ap mennen W ap mennen lit  ki depase w, w a...

  Dlo sal... Gen rèv dlo nan zye bwote gen rèv san nan venn nwaye avan lè yo nan kafou simetyè pati tankou kout zeklè anba tè tankou yon lavalas k ap desann tankou dife boule bwa fè l fè sann gen rèv ki pa briye depase krizokal poutan se te lò andedan yon bokal sal rèv gran pye ki pa gentan janbe yon kafou rèv avèk zèl ki vole avèk pye yo plen labou Ayiti se sèl peyi ki detui rèv moun avan l fèt peyi kote siksè jèn yo trepase nan fich bòlèt Laponyèt ranplase bòbòt fanm boutlèg ranplase zozo flanm twou kaka vin tounen bagay moun eklere zonyon pa tranche ankò kounya se lanbe Rezo sosyal yo tounen tribinal se la yo jije ni vivan ni mò vivan depi w enflyan w ka prezidan pa repete sa pou w pa pran bal Larivyè desann dlo pete kanal yo bouche lari a santi di fatra me wotè kay yo inonde eta peyi a se reflè konpòtman anpil nan nou nou byen abiye santi bon men nou fout fou. Malherbe JOSEPH  Relem Moun 11è 23 PM, 02/08/23.