Kwen Powetik Kècho...

Kreyòl = Lang bosal ak Lang vòksal

Gen moun

depi w pale

kreyòl

depi

pawòl ou yo

san kras

ou dwòl

yo twouve w pa saj

nan bondòw

y ap resite tout pasaj

bon ! si w pa ka

"Exprime-toi" menm

ou deja kaka ti chat

sèke w pa te

gentan pase

sou ban lakay Koyo

y ap trete w

tankou yon vye veso

pou anpil nan yo

kreyòl la

se langaj moun sal

bosal ak vòksal

moun ki san levasyon

esklavaj mantal la

fè yo refize pale kreyòl

"tu as un beau vagin"

se wawww !

w ap jwenn bravo

"ou g on bèl bòbòt"

se mezanmi wooooo !

kòman w bawòk konsa

ti gason sa ?

m pa bezwen di w

si boubout ou gen malè

li manyen fouk pantalon w

pandan bwa w rèd

epi l di

"ou g on gwo zozo vre wi papi"

menm kote a

nan ginen tou pran dife

kòman w pale lèd

konsa pitit ?

kote w jwenn

avèk gwo mo sa yo ?

kote w te lekòl menm ?

li gentan merite

yon bwa kale

bagay sa yo

ak anpil lòt ankò

lakoz anpil moun

ap viv an kreyòl

pandan y ap goumen

pou yo pale fransè

ki se lang kolon an

padon, lang entelektyèl yo

m t ap di, ki bò ? Ki lè ?

si w anvi powèt

pale fransè tande

menm si w

pete pwèt pwèt

jouk bondòw fè pèpèt

oubyen w plòt plòt

me gwosè pil li

depi se nan fransè

l ap gen bon lodè

nan twou nen

anpil moun

antouka

se pa fot

anpil nan nou

men se fason

yo edike nou

ti chouchoun

pou tifi yo

ak ti pati

pou gason yo

sa lakoz

timoun yo

vin mal alèz

pou yo pale kreyòl

jouk yo vin granmoun

se nou menm ankò

ki pa bay

lang kreyòl la valè

paske n pa fyè

pou tèt nou

dayè anpil nan nou

pa menm konnen

sa n ye

ala traka !

nou san idantite

se sa k fè

nou toujou

anvi kopye

sou lòt pèp

jis pou n parèt fòme

tande non !

kreyòl la 

pa lang bosal

ni vòksal

si w te panse konsa

siye djòl ou

oubyen fwote l atè

paske

s on lang

tankou tout lang

men ki gen

pwòp karakteristik li

e se sa k fè bote li

ban m kreyòl an m

toutounikri tanpri ✍️.

© Malherbe JOSEPH

29 Dawout 2023

8è 50 nan aswè.