Kwen Powetik Kècho(15 Jiyè 2010)


 E wou menm ?

Pa di sa ! ki sa mesye ?
Avadra, voras, visye.
Ti dam sa ,aaaaaa koute!
anba tè l ap trete.

Ou pa wè jan l chèch,
lanp li pa gen mèch
sandal li san semèl
e l s on flannè femèl.

Ou wè misye, lè l fre, prete l prete
gade, gad jan devan soulye l pete
tèt li san penyen, figi l luile
epi l chita tankou s on byennere.

Mezanmi ooo ! apa m fou bon tèt.
Mesye sa, ti dam sa, kiyès ?
Anfas yon miwa m kanpe, nan yon pyès
m ap pale Malherbe mal, epi m tèt frèt.

Malherbe Joseph ( Relem Moun)
   15 Jiyè 2010.

Commentaires

  1. Anonyme14 avril 2023 à 16:53

    Bon bagay bro. La ou nan monn pa m ! 🙏🏾🙏🏾
    W ap ekri lontan wi.

    RépondreSupprimer
    Réponses
    1. Malherbe JOSEPH 14 avril 2023 à 17:32

      M ap ekri byen avan sa men gen kèk tèks mwen poko wè kote yo ye. Mèsi anpil!

      Supprimer
  2. Anonyme15 avril 2023 à 10:39

    Sa se lè w landjèz wi, ou pale mal menm sou tèt òw san w pa menm rann ou kont 😆😂🤣. Gade koze mezanmi 😂.

    RépondreSupprimer

Enregistrer un commentaire

Posts les plus consultés de ce blog

Kwen Powetik Kècho (14/05/2023).

Image
Manman m se t on nonm... Manman m pa t feminen, paske l te g on nanm etewo, yon vanyan gason, manman m te g on lanmou pou pantalèt, sa fè l te toujou mete bèl kanson, manman m pa t pouse pitit, men pou kò l, li te elve 7 timoun, manman m pa t gran fanm, men l te pòtre yon gran zouzoun. Manman m pa t feminen, men l te gen plizyè kalite w plis jwenn lakay fanm, manman m te konn lave, pase, fè mache, fè manje, netwaye kay, ranje kabann. Manman m te aprann mwen fè tout bagay sa yo tou ak anpil lòt ankò, se sa k fè kounya manman m travèse, m ka viv pou kò m, paske anndan m g on trezò. Manman m pa t rive lwen lekòl, men l te chwazi fè restavèk pou m ka met kòl, manman m te toujou renmen di m, pito m manje pen m sèch olye m bese zepòl. Manman m te gen karaktè, li te sevè, li te plezan e l te sansib pou respè l, devan respè l, WA pa t kouzen l PREZIDAN pa t bòpè l, li pa t ap pè fout ou yon pataswèl. Manman m pa t yon feminen, men l te elve m pou m respèkte fanm, manman m te damou fanm tou, li...
Lire la suite

Kwen Powetik Kècho...

Image
  Lavi 🫂! Li koute chè men pèsonn pa konn pri l li gen plis valè lè klaksòn lanmò fè l di plètil li pi enpòtan nan bout li lè n san dan li tankou piwouli nan djòl mòbrid  li ranpli tou vid memwa l kout tankou tèt koulout nan fouk san bout li renmen bay kout ba li dwòl li engra li fè megri li fè gra li trè repwochan nan bay ochan lè l pran sa l te bay jijman li san fay kit ou pòv oubyen rich l ap sizonne w kou kribich lavi se yon byen mal yon kè kontan fatal yon kotidyen kanibal lavi pa anyen lavi se yon panyen mwatye vid mwatye plen. © Malherbe JOSEPH      7 Novanm 2023        Minwi 42 ✅
Lire la suite

Kwen Powetik Kècho...

Image
  Silans!!! Gen kèk chwi chwi ki fè bri pase loray pase gwo wòch sou kay tòl gen pa pale ki di plis koze pase lang Konze ki te trayi Chalmay Peralt silans pa gen pri men souvan li trayi silans pa vle di lapè ou ka bouch be epi anndan w g on gè gwo trip ap vale ti trip vant ou vin soud san fil bouch ou koud. @relemmoun     26/10/2023      8 è nan maten ✅
Lire la suite