Kwen Powetik Kècho (06/06/2023).


 

Aprestans...


Deyò n parèt byen bèl

anndan n ap konsime

n ap abiye byen fre

pou n kontrekare poubèl


anba po n pa yon depo fatra

men rèv nou yo pil sou pil kaka

Ayiti boude tout efò nou yo

sa k ta dwe anba se yo k anwo


de grenn pèpè kouvri nidite n

epi yon salè mizè kòlte diyite n

yon plat aleken ak yon sachè dlo

lage moun konsekan nan tèt cho


n ap mache men nou malad

zo machwè n sou mòd pankad

men m yon vye pen ak marinad

al mawon nou tankou pentad


tout ayisyen poko fou

men tèt nou cho tankou fou

sèvo nou tout fout kòlòk kòlòk

n ap respire men avni nou lòk


Aparans/rezistans nou tout sou blòf

nou pa gen chwa n oblije kanpe tòf

diplòm tounen papye pou siye fant bounda

lekòl ak inivèsite kèk tan tounen depotwa


Drapo a vin sal pi mal pase koupyè sou moun fou

im nasyonal la tankou fo dan nan djòl ti sousou

leta se nou nou se leta pa gen bagay konsa ankò

politichyen ak bandi ap kale kò yo epi pèp la ap konte mò.


nou saj wi men mouche leta langyèt manman w

mouche bandi bwa kale nan twou koko manman w

lavoum pou entelektyèl santi k ap sipòte dechè

jou ale jou vini van an gen pou l vire yon lè.


Malherbe JOSEPH

(Relem Moun)

06/06/2023, 12è P.M.

Commentaires

Enregistrer un commentaire

Posts les plus consultés de ce blog

Kwen Powetik Kècho (14/05/2023).

Image
Manman m se t on nonm... Manman m pa t feminen, paske l te g on nanm etewo, yon vanyan gason, manman m te g on lanmou pou pantalèt, sa fè l te toujou mete bèl kanson, manman m pa t pouse pitit, men pou kò l, li te elve 7 timoun, manman m pa t gran fanm, men l te pòtre yon gran zouzoun. Manman m pa t feminen, men l te gen plizyè kalite w plis jwenn lakay fanm, manman m te konn lave, pase, fè mache, fè manje, netwaye kay, ranje kabann. Manman m te aprann mwen fè tout bagay sa yo tou ak anpil lòt ankò, se sa k fè kounya manman m travèse, m ka viv pou kò m, paske anndan m g on trezò. Manman m pa t rive lwen lekòl, men l te chwazi fè restavèk pou m ka met kòl, manman m te toujou renmen di m, pito m manje pen m sèch olye m bese zepòl. Manman m te gen karaktè, li te sevè, li te plezan e l te sansib pou respè l, devan respè l, WA pa t kouzen l PREZIDAN pa t bòpè l, li pa t ap pè fout ou yon pataswèl. Manman m pa t yon feminen, men l te elve m pou m respèkte fanm, manman m te damou fanm tou, li...
Lire la suite

Kwen Powetik Kècho...

Image
Krevas ... M jwenn yon sous dlo fre pou m pase swaf an m nan lanbe li  ak lè m plonje tèt flèch kann kale m andidan y m santi m ta yon kannari  pou m charye dlo sa  san kite ti gout  pou m f on boutèy tranpe pou m kage lè m anvi mete  chalè bande m sou twa wòch dife sou twa pye l nan tèt sous sa g on bouch ak de pwent file byen kanpe pou m miyonnen avan dlo gaye jouk l al wouze bout kann an m menm lè lapli pa tonbe depi l wè m li gentan mouye sous la gonbo li bade veso m pou m  pa filange lè krevas la pral akeyi m yon akèy san parèy fòtadi g on men ki kenbe m nan tèt levye m k ap dirije m nan chimen kwense anba yon son k ap fè koup koudoup  koup koudoup tankou zo k ap deplase anba vyann venn foule krevas sa pa gen plas pou de mezi longè m mezi gwosè m mezi dousè m yon sous prive pou m pase swaf an m wouze kann an m jouk dòmi pran m. © Malherbe JOSEPH 27 Dawout 2023...
Lire la suite

Kwen Powetik Kècho...

Image
  Vètyè...🇭🇹📌 Yon pase ki fè n fou tou fyè menm lè se pa tankou ayè sitou kèk tan nou vin drivayè ayisyen nanchon kanson fè Vètyè senbòl inite ak rezistans Ayiti manman libète ak vayans avan 1803 nou t ap pote yon kwa apre 1803 nou te premye pèp nwa nou lib chapo ba pou ewo nou yo sou do vètyè yon jou vètyè toujou pa twò lontan fòk li fè klè san jou pou n sispann pran kou nan do. © Malherbe JOSEPH      13 Novanm 2023       3 è nan apre midi ✅
Lire la suite