Kwen Powetik Kècho (Tèks ekri depi 11 Avril 2007)

 Ou t ale .

Se jou mwen t ap konte

nan sa k te rete

avan w t ale

malgre m pa t vle.

Chak jou lè m leve

m panse m t ap reve

poutan se t on reyalite

m t oblije aksepte.

Lè m ap sonje ki jan n te ye

lè m ap panse ki jan n pral ye

franchman, m pa t ka sispann kriye

byenke m te toujou ap priye.

Yon jou kou jodi a, ou te pati

san konnen ki lè w ap vini

depi lè sa lavi m fini

ata fanmi m, zanmi m ap di m jan m piti.

Gras ak Dye lavi m reprann

avèk espwa nan kè m m ap tann

paske pou renmen w, m pa janm sispann

lwen zye m pi pre kè m, se sa m konprann.

Mwen santi w pre pou w retounen

vin marye avè m pou n ka byen mennen

nan janm ou se mwen k ap premye desann

kouto m nan men m, gato m devan m, m ap fann.

Otè : Malherbe JOSEPH (Relem Moun).

Mèkredi 11 Avril 2007

2è 30 apre midi.